ആവശ്യമുള്ള സാധനങ്ങള്
=================

1. ദോശമാവ് - ആവശ്യത്തിനു
2. ചിരകിയ തേങ്ങാ - 1/4 തേങ്ങയുടെ
3. കാശ്മീരി മുളകുപൊടി- 1/2 ടീസ്പൂണ്
4. ഉപ്പ് - പാകത്തിനു
5. കടുക് - 1/2
6. എണ്ണ - 1/2 ടേബിള് സ്പൂണ്
7. കറിവേപ്പില - 1 അല്ലി (ഉണ്ടെങ്കില്)
പാകം ചെയ്യുന്ന വിധം
==============
ദോശമാവ് തവയില് കോരിയൊഴിച്ച്( ശീീ... എന്ന ശബ്ദം കേള്ക്കണം) വേഗത്തില് ചുട്ടെടുക്കുക. നല്ലവണ്ണം മൊരിഞ്ഞോട്ടെ..(ആകൃതി, കനം എല്ലാം അവനവന്റെ ഇഷ്ടത്തിനു).
ചിരകി വച്ചിരിക്കുന്ന തേങ്ങാ, 1/2 ടീസ്പൂണ് മുളകുപൊടി, 1/4 ടീസ്പൂണ് ഉപ്പ് എന്നിവ ചേര്ത്ത് മിക്സിയില് നന്നായി അരച്ചെടുക്കുക. ഒരു ചീനച്ചട്ടി അടുപ്പില് വച്ച് 1/2 ടേബിള് സ്പൂണ് (ഇത്തിരി വേണേല് കുറച്ചോളൂ) എണ്ണ ഒഴിച്ച് കടുക് പൊട്ടിക്കുക.ഉണ്ടെങ്കില് ഇത്തിരി കറിവേപ്പില കൂടി ചേര്ത്തോളൂ.
തീ കുറച്ചിട്ട് അരച്ചു വച്ചിരിക്കുന്ന തേങ്ങാ ഇതിലേക്ക് ചേര്ക്കുക. ആവശ്യമെങ്കില് അല്പം വെള്ളം കൂടി ചേര്ക്കുക.( ഇത്തിരി കുറുകി ഇരിക്കുന്നതാണു നല്ലത്). കുറഞ്ഞ തീയില് ഇളക്കി, അല്പം തിള വരുമ്പോഴേക്കും വാങ്ങി ഉപയോഗിക്കുക.
പാചകത്തിനെടുത്ത സമയം - എല്ലാം കൂടെ വെറും 10 മിനുട്ട്.